دارميات تحشيش من الشعر الشعبي العراقي

من كثر ما مشتاك يمكن انجنيت...اكل بصل مثروم حسبالي جكليت


ا لدهر صاير چاي والدنيا قوري ... ليش اليحب يا هواي ينضرب بوري


فيتر صرت يا ناس والعيشه كشره... وين اليضب الروح بسبانه عشرة




دورلي فيتر زين من روحي مليت لا بدي لا رنكات بس شاصي ظليت


من كثر ما مشتاك خبلت نفسي... اشرب نفط بالكوب حسبالي ببسي

من كثر ما مشتاك صرت اني مخبول.... اتفرج الاخبار حسبالي كعبول


من كثر مامشتاق وحبك بنفسي ... وكفت الامريكان حسبالي تكسي

احول حبيب الروح اثول مطفي لاكاني عين بعين باس الي بصفي

اطبخ وافكر بيك يا حلو العيون بالمركة اخبط جاي حسبالي معجون


ليش الرساله وياي عندك خسارة ماظن خمس سنتات يبنن عمارة


كون الجمال البيك يندار بيه كلما احن واشتاك اصفن عليه

طلقات اسوي الروح و لفراكك احزن ... و كلما تمر عالبال ارميلي مخزن


اريد احفر التبليط و ازرع بتيتة ليش اليحب حلوين ينهجم بيته


هجم بيت العين هلكد وكيحه كلما يمر حليو تكلي صيحه

لو تحط مو مكياج لو تحط حمرة ... العوبة عوبة اتظل والكَمرة كَمرة

يكفي حبيب الروح يكفي بواري... أسست نص بغداد مي ومجاري


غلاكم طاسة لبن تطفي لهيب الگيظ .. و حبكم ثريد و لحم ماهو طماطة و بيض

تدري اشوكت هلروح من حبك اتوب ؟؟ من تسمع الشيطان غفروله الذنوب

كتلك تفضل فوت كل قصدي للبيت شمالك دفرت الباب وبقلبي طبيت


لك لو مو ترش الدرب تيزاب لو تزرع ألغام ... لخلي اللحم طشار واوصللك عظام



تحياتي

مشكور بشير


دمت مميزا