مرحبا بك يا زائر نورت منتديات رونق الأيام
 
الرئيسيةالبوابةس .و .جبحـثالمجموعاتالتسجيلدخول
أهلاً وسهلاً بجميع الأعضاء
نرحب بمشاراكاتكم ومساهماتكم

أسرة منتديات رونق الأيام ترحب بالاعضاء الجدد
أهلاً وسهلاً شرفتم المنتدى

شاطر | 
 

 قصائد الفاجومى .... احمد فؤاد نجم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مجنون بس حنون
عضو ملكي
عضو ملكي
avatar

عدد المساهمات : 969
السٌّمعَة : 3
تاريخ التسجيل : 03/04/2010
العمر : 30

مُساهمةموضوع: قصائد الفاجومى .... احمد فؤاد نجم   الأربعاء أبريل 21, 2010 1:45 am

فى هذا الموضوع سأحاول قدر الامكان جمع اكبر عدد ممكن من قصائد شاعر الحارة المصرية احمد فؤاد نجم ( الفاجومى )
ارجو ان تنال اعجابكم ....
نبدأ بتعريف الشاعر
الفاجومي الشاعر الحبيب الثائر ملهم الملايين
صوت الحارة المصرية ..... شاعر العامية

حفظه الله وامد في عمره احمد فؤاد نجم

قال عنه الشاعر الفرنسي الكبير لويس اراجون

ان فيه قوه تسقط الاسوار

واسماه الدكتورعلي الراعي الشاعر البندقيه

و الرئيس الراحل السادات يسميه الشاعر البذيء

ولقب بآخر الصعاليك المحترمين

وبشاعر تكدير الامن العام

من مواليد مصر شرقيه

ولد عام 1929

بسبب شعره سجن ثمانيه عشر عاما

انسان بسيط قلبه ابيض قنوعا شجاعا
قال عن نفسه
زى النهارده من كام سنة
مفيش لزوم للعد والحسبنة
اصل الحكاية عد عمرك يا جحا
قال يوم مفلس وخمسة ستة عكننة
فلس .. فلس ... فلس ...
يحيا الفلس والجدعنة
*****************
والان الى مجموعة القصائد
ـــــــــــــــــــــــــــــــــــــــــــــ

( 1)
يا فلسطينية ..
************


يا فلسطينية و البندقاني رماكو ..

بالصهيونية تقتل حمامكو فِ حماكو

يا فلسطينية و أنا بدي أسافر حداكو

ناري بإيديا و إيديا تنزل معاكو

على راس الحية و تموت شريعة هولاكو

............

يا فلسطينية و الغربة طالت كفايا

و الصحرا أنّت من اللاجئين و الضحايا

و الارض حنّت للفلاحين و السِقايا

و الثورة غاية و النصر أول خطاكو

........

يا فلسطينية و الثورة هيَّ الاكيدة

بالبندقية نفرض حياتنا الجديدة

و السكة مهما طالت و بانت بعيدة

مد الخطاوي هو اللي يسعف معاكو

.........

يا فلسطينية فيتنام عليكو البشارة

بالنصر طالعة من تحت مية ألف غارة

و الشمعة والعة و الامر كان بالخسارة

راجعين حيارى عقبال ما يحصل حداكو

( 2)
انا ما باخافش
***************

أنا مابخفش وحفضل أقول
كلمة حق عليها مسؤل
إن الريس راجل طيب وبشعبه دايماًَ مشغول
مشغول إنه يلم فلوسهم
بره سويسرا يحوشهلنا
وف حسبات سريه يشلها .....نفسه يأمن مستقبلنا
شفتوا إزاي بقه قلبه رحيم
عنده إيمان وضميره سليم
بيجوعكوا لجل تخسوا
آه يا شعب محتاج لرجيم
من جهلكوا بتقولوا بطاله
وإن الأحوال مش شغاله
دا الراجل نفسه يريحكم
هي الراحه تبقي عواله ؟؟
أما حكاية المنتجعات
ليه بتسموها معتقلات ؟؟؟؟
ليه الظن...... وسوء النيه
نفسه يفسحكوا يا بهوات
أما الكرسي واللى تقال
دا كلام مش محتاج لسؤال
الغلطه دي غلطتنا يا عالم
إن مجبناش كرسي تيفال
والله إنتوا ظالمين الراجل
ضيع عمره ومين يستاهل
حتى الأكل بيكله بدالنا
طالع واكل نازل واكل
ماله الريس بعد دا كله ؟؟؟

( 3 )

وانتى حلوة
************

وإنتي حلوه ف كل عين

يا حبيبتي
قلبي عاشق
واسمحي لي
بكلمتين

كلمتين يا مصر يمكن
هما آخر كلمتين
حد ضامن
يمشي آمن
أو مآمن يمشي فين ؟

شابه يا أم الشعر ليلي
والجبين شق النهار
والعيون
بحرين أماني
والخدود
عسل ونار
واللوايي فى إبتسامتك
يحكوا أسرار المحار
يا للي ساكنه القصر عالي
إمتى يهنا لي المزار
كلمتين يا صبيه

طال على الانتظار
كلمتين يا مصر يمكن
هما آخر كلمتين
حد ضامن
يمشي آمن
أو مآمن يمشي فين

قصرك المسحور غيلانه
أغبي من دود الغيطان
بعد مص الغصن لاخضر
ينحتوا عضم العيدان
وإللى خلا الارض خضرا
وإللى خلا الدار أمان
عاش بجوعه ملو جوفه
مات بخوفه م الغيلان
روح الغلبان ما قالشي
عن شقا العمر إللى كان

كلمتين لمصر يبقوا
هما آخر كلمتين
حد ضامن يمشي آمن
أو مآمن يمشي فين

آدي كلمه من عذابي قلتها لك
باقي كلمه

من حنيني صنتها لك
فى الضلوع من دنيا ظالمه
كنت خايف يلمحوها
يقتلوها ف سكه ضلمه
شقشقت والنور بشاير
زهرة الصبار يا سلمى
يا نسيم الشوق يا طاير
خد لمصر الصبح كلمه
طول ما يبقي الركب ساير
بالبصاير والعنين

يبقي ضامن
يمشي آمن
يبقي شايف
يمشي فين

( 4 )
بقرة حاحا
***********

ناح النواح و النواحة


على بقرة حاحا النطاحة

و البقرة حلوب

حاحا

تحلب قنطار

حاحا

لكن مسلوب

حاحا

من أهل الدار

حاحا

و الدار بصحاب

حاحا

و احداشرباب

حاحا

غير السراديب

حاحا

و جحور الديب

حاحا

و بيبان الدار

حاحا

واقفين زنهار

حاحا

و يوم معلوم

حاحا

عملوها الروم

حاحا

زقوا الترباس

حاحا

هربوا الحراس

حاحا

دخلوا الخوجات

حاحا

شفطوا اللبنات

حاحا

و البقرة تنادي

حاحا

و تقول يا ولادي

حاحا

و ولاد الشوم

حاحا

رايحين ف النوم

حاحا

البقرة انقهرت

حاحا

ف القهر انصهرت

حاحا

وقعت ف البير

حاحا

سألوا النواطير

حاحا

طب وقعت ليه

حاحا

وقعت م الخوف

حاحا

و الخوف ييجي ليه

حاحا

من عدم الشوف

حاحا

وقعت م الجوع

و من الراحة

البقرة السمرة النطاحة

ناحت مواويل النواحة

على حاحا

و على بقرة حاحا

( 5 )

قصيده الممنوعات
***************

ممنوع من السفر
ممنوع من الغنا
ممنوع من الكلام
ممنوع من إلاشتياق
ممنوع من إلاستياء
ممنوع من إلابتسام

***
وكل يوم فى حبك
تزيد الممنوعات
وكل يوم باحبك
أكتر من اللي فات

***
حبيبتي يا سفينه
متشوقه وسجينه
مخبر فى كل عقده
عسكر فى كل مينا

***
يمنعني لو أغير
عليكي أو أطير
إليكي واستجير
بحضنك
أو أنام
فى حجرك الوسيع
وقلبك الربيع
أعود كما الرضيع
بحرقه الفطام

***
حبيبتي يا مدينه
متزوقه وحزينه
في كل حاره حسره
وف كل قصر زينه

***
ممنوع من إني أصبح
بعشقك .. أو أبات
ممنوع من المناقشه
ممنوع من السكات
وكل يوم في حبك
تزيد الممنوعات
وكل يوم باحبك
أكتر من اللي فات


( 6 )
طاطى راسك
************

طاطي راسك طاطي طاطي ..
انت ف وطن ديمقراطي .. انت بتنعم بالحرية .. بس بشرط تكون مطاطي

لما تكون شغال بذمة .. خايف على مصلحة الأمة ..
شغلك يطلع من غير لازمة .. علشان مبيعلاش غير واطي
طاطي راسك طاطي طاطي .. انت ف وطن ديمقراطي

لما حاميها يكون حراميها .. وبلاده ورا ضهره راميها ..
طالع نازل واكل فيها .. مسنود بالبدلة الظباطي
طاطي راسك طاطي طاطي .. انت ف وطن ديمقراطي

لما شقاك يصبح مش ليك .. فقرك سد السكة عليك تتلفّت تلقى حواليك ..
إما حرامي و إما عقاطي
طاطي راسك طاطي طاطي .. انت ف وطن ديمقراطي

لما تلاقي بلاد الدنيا .. فيها البني آدم حاجة تانية ..
وانت في الطبقات الدنيا .. قرد مسلسل أو وطواطي
طاطي راسك طاطي طاطي .. انت ف وطن ديمقراطي

لما الجهلة يبقوا أمامك .. أو فوقك ماسكين ف زمامك ..
ويسوقك ع الهلكة إمامك .. تشرب م السم السقراطي
طاطي راسك طاطي طاطي .. انت ف وطن ديمقراطي

لما الكلمة تكون بتدينك .. لما تخبي ف قلبك دينك ..
لما الذل أشوفه ف عينك .. هات إحباطك على إحباطي
طاطي راسك طاطي طاطي انت ف وطن ديمقراطي ..

انت ف وطن ديمقراطي

( 7 )
عريس الدولة
************

[ندعوك للتسجيل في المنتدى أو التعريف بنفسك لمعاينة هذه الصورة]
يا عريسنا

يا أبو شنه ورنه

يا واخدنا وراثه

أطلب واتمنى

وأخرج من جنه

أدخل على جنه

مش فارقة معانا

ولا هارية بدنا

ولا تاعبه قلوبنا

ولا فاقعة .... مرارنا

يا عريس الدولة

أفرح وأتهنى

ما أحناش كارهينك

لكن هارشينك

ح تكمل دينك

وتطلع دينا

افرح واتهنى .. يا عريس الدولة

( 8 )

بهية
********


المجموعة:
يسبق كلامنا سلامنا يطوف ع

عصفور محندق يزقزق كلام موزون و له معنى

عن أرض سمرة و قمرة

و ضفة نهر و مراكب

و رفاق مسيرة عسيرة

و صورة حشد و مواكب

ف عيون صبية بهية

عليها الكلمة و المعنى

المنشد:
مصر يا أمة يا بهية

يا أم طرحة وجلابية
الزمن شاب وأنت شابة

هوه رايح وأنت جاية

جاية فوق الصعب ماشية
فات عليكى ليل ومية

واحتمالك هوه هوه وابتسامتك هي هي

تضجكى للصبح يطلع

بعد ليلة ومغربية

تطلع الشمس تلاقيكى
معجبانية وصبية


ا
لمجموعة:
الليل جزاير جزاير

يمد البحر يفنيها

و الفجر شعلة حتعلا

و عمر الموج ما يطويها

و الشط باين مداين عليها الشمس طوافة

ايدك ف ايدنا ساعدنا

دي مهما الموجة تتعافى

بالعزم ساعة جماعة

و بالاصرار نخطيها

المنشد:
مصر يا أمة يا سفينة

مهما كان البحر عاتي

فلاحينك ملاحينك

يزعقو للريح يواتي

اللي ع الدفة صنايعي

و اللي ع المجداف زناتي

و اللي فوق الصاري كاشف

كل ماضي و كل آتي

عقدتين و الثالثة ثابتة

تركبي الموجة العفية

توصلي بر السلامة

معجبانية و صبية


يا بهية


المجموعة:
و يعود كلامنا بسلامنا يطوف ع الصحبة حلواني


عصفور محني يغني على الافراح و من ثاني

يرمي الغناوي تقاوي
تبوس الأرض تتحنى

( 9 )
شط الزيتون
*********

الخط دا خطي
الكلمة دي
ليا
غطى الورق غطى
بالدمع يا عنية
شط الزتون شطي
والارض عربية
نسايمها انفاسي
وترابها من ناسي
وان رحت انا ناسي
ما تنسانيش هى
والخط دا خطي
والكلمة دى ليا
لاكتب على عينى
يحرم عليكى النوم
واحبس ضيا عينى
بدموعى طول اليوم
قبل الوفا بديني
زي الصلا والصوم
والدين فى عرف الحر
هم ومذلة ومر
وشجون تصون وتجر
احزان مخبية
والخط دى خطي
والكلمة دى ليا
لاكتب على كفي
والحبر من دمي
ياهمتي كفي
يا عزوتى ضمي
اول ما ح نوفي
بالوعدح نسمي
باسم اللى ماتوا صغار
فى المدرسه والدار
والمصنع اللي انهار
فوق الصنا يعية
والخط دا خطي
والكلمة دى ليا

( 10 )
دلي الشكارة
**************

دلي الشكارة جنب الشكارة

و اقعد يا حفني ولعلك سيجارة

فكّـر شوية .. بالعيشة دية

إيه القضية إيه العبارة



من صغر سني

شقيان لكني

ما لط سني غير البصارة

....

و دخلت حارة من جوة حارة

و فكل حارة عليت عمارة

و سط المعامل بنا و مناول

بس المقاول كلني بشطارة

و لا خلى صرة و لا لقمة حرة

و العيشة مرة .. أخر مرارة

( 11 )
يا عرب
***********

يا عرب .. يا عرب .. يا عرب في أي مصر

يا عرب .. يا عرب .. اسمعوا صوت شعب مصر

أحفظوا لمصر المكان .. و احنا عالعهد اللي كان

مصر أوفى من الزمان ..
و انتو عارفين شعب مصر

يا عرب يا عرب يا أهل مصر

----------------------------

اللي خانوا العهد بينا .. و استباحوا كل حاجة

و استهانوا بالعروبة .. و استكانوا للخواجة

مستحيل حيكونوا منا .. نحنا حاجة و هما حاجة

هما باعوا الجلابية .. و الوطن و البندقية

و ا حنا أصحاب القضية ..

احنا ما بنبيعش مصر

يا عرب يا عرب يا أهل مصر
----------------------------

يطلع الدجال بزيفو .. يملا وادي النيل ضباب

ينزل الجلاد بسيفو ... يزرع الموت و الخراب

يطول الليل زي كيفو .... الصباح له ألف باب

و احنا بوصلتنا بإيدينا .. ما تخافوش من الليل علينا

مهما غبتو عن عينينا ..

انتو جوا بقلب مصر

يا عرب يا عرب يا أهل مصر

-------------------------

سينا و لا .. يافا و لا .. حيفا ولا ... دير ياسين

اسألوا الشمس اللي هالة .. عللي صحيوا مبدرين

يزرعوها نور و غلة .. دول جدودنا و لا مين ؟

حقنا و حتما ً يُعاد .. بس لو بانت سعاد

و البيان ده لوه معاد ...

و المعاد حيكون في مصر

يا عرب يا عرب يا أهل مصر
**************
الى لقاء مع قصائد اخرى
الرجوع الى أعلى الصفحة اذهب الى الأسفل
✿ رۉنق✿
ادارة
ادارة
avatar

عدد المساهمات : 822
السٌّمعَة : 5
تاريخ التسجيل : 31/12/2009
الموقع : الاردن

مُساهمةموضوع: رد: قصائد الفاجومى .... احمد فؤاد نجم   الإثنين يوليو 05, 2010 4:08 pm

مشكور مجنون بس حنون

الله يعطيك الف عافية

دمت مميز


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://ronaqalaiam.ahlamontada.net
مجنون بس حنون
عضو ملكي
عضو ملكي
avatar

عدد المساهمات : 969
السٌّمعَة : 3
تاريخ التسجيل : 03/04/2010
العمر : 30

مُساهمةموضوع: رد: قصائد الفاجومى .... احمد فؤاد نجم   الجمعة يوليو 09, 2010 5:11 pm

مشكوره على مرورك
الرجوع الى أعلى الصفحة اذهب الى الأسفل
 
قصائد الفاجومى .... احمد فؤاد نجم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رونق الأيام :: منتديات رونق الأيام الأدبية :: رونق الشعر-
انتقل الى: